Nadal, Nadal, jorn de bonur

De Wikitrad
Aller à : navigation, rechercher
Informations diverses

Paroles : Inconnu
Musique : Traditionnel (air de Magali de Frédéric Mistral)
Interprètes : La Talvera
Origine : Albigeois
Danse :
Mp3 :

Paroles

A n aquel ser sus la montanha
I aviá de paures pastorèls
Qu'èran venguts de la campanha
Per gardar lo menut tropèl
Nadal, Nadal, jorn de bonur,
Aimabla fèsta
Nos es nascut lo Diu sauvur
Jorn de bonur
Nadal, Nadal, cantem en còr,
Dròlles en tèsta,
Nos es nascut lo Dieu sauvur
Jorn de bonur

Sul còp una granda lumièira
Bèla coma l'astre del jorn
Esclaira la montanha entièira
Òm se diriá en plen miègjorn

En même temps sus la colina
Pica una tropa d'angelons
E la clartat que l'illumina
Remplís d'esfrai nòstres pastors

« Crentetz pas res, Dieu nos envòia
Per vos anonciar lo salut
Levatz-vos e sautatz de jòia
Car lo Messí vos es nascut.

Dins un estable, sus la palha,
Lo trobaretz tot estropat
Res d'estonant, car el nos balha
Granda leiçon de pauretat. »

A la votz que venon d'entendre
Totes se lèvan en même temps
Amai que jala a pèira fendre
Degun fa pas clacar las dents

« Nos an dreçats a bona escòla
Plan paures sièm, mas podèm pas
Lai davalar tota una còla
Sens prene res dins nòstras mans.

Avèm aicí burre e calhada,
Amai de noses un planponh,
Amai dos tròces de crostada :
Tot aquò lor òt far besonh.

Lo nos caldrà cauçar de lana
Ditz un autre tot pietadós;
Dins aquela paura cabana
Me dobti qu'a freg als penons

Quand dins lo sòm veirem que cluta,
Profitarem d'aquel moment
Per ie jogar de la flaüta
L'endormirem tot doçament

Una ora après se rencontravan
Dins l'estable nòstres pastors
E devè'l brèç totes fintavan
En s'avançant de ginolhons

Référence

Rapporté dans le livret de l'album Nadals d'Occitània par La Talvera en 2008 (Youtube).